Xestión de almacén (SXA) integrada con compras, vendas e produción
Odoo Inventario é o sistema de xestión de almacén de Odoo: recepcións, localizacións, picking, packing, entregas e axustes de inventario nunha soa aplicación, co stock actualizado ao instante para o resto da empresa.
Xunto con Fabricación é o módulo que máis implantamos en Anubía. Coñecemos ben os fluxos de almacén de empresas industriais e de distribución en Galicia, e sabemos que configuración fai falta para que o stock cadre.
Funcións clave de Odoo Inventario
Un almacén dixital que reflicte o que hai nos andeis, coa trazabilidade que esixe o teu sector.
Varios almacéns e localizacións
Almacéns, zonas, andeis e localizacións xerárquicas, con stock por localización e traslados internos.
Rutas e operacións en 1, 2 ou 3 pasos
Recepción, control de calidade e almacenaxe, ou picking, packing e envío, segundo a complexidade do teu fluxo.
Lotes, series e caducidades
Trazabilidade completa cara atrás e cara adiante, con alertas de caducidade e bloqueo de lotes.
Reabastecemento automático
Regras de stock mínimo e máximo que xeran compras ou ordes de fabricación sen intervención manual.
Código de barras
Recepcións, picking e inventarios con lector ou móbil, sen papel.
Valoración de existencias
Custo estándar, medio ou FIFO, coa valoración contabilizada automaticamente.
Recepción, picking e envío con código de barras
Cada operación de almacén ten a súa pantalla: o operario escanea o albarán, o produto e a localización, e Odoo valida o movemento no momento. Os inventarios cíclicos planifícanse por localización e cóntanse co móbil.
Os informes de stock, rotación e previsión consúltanse en tempo real, e as alertas de reabastecemento avisan antes de que se rompa o stock.
Implantación de Odoo Inventario con Anubía
Deseñamos contigo o mapa de almacéns e localizacións, as rutas de entrada e saída e as regras de reabastecemento, e migramos o stock inicial con lotes e valoración. Se fabricas, conectámolo con Odoo Fabricación; se compras a provedor, con Odoo Compras.
Despois da posta en marcha, o equipo de soporte de Anubía resolve as dúbidas do día a día e axusta os fluxos cando o negocio cambia.
Preguntas frecuentes sobre Odoo Inventario
Podo usar Odoo Inventario sen mercar lectores de código de barras?
Si. As operacións pódense facer desde o navegador. Os lectores ou o móbil engádense cando o volume o pide.
Cadra o stock coa contabilidade?
Coa valoración automática activada, cada entrada e saída xera o seu asento e o inventario coincide coa contabilidade sen axustes manuais.
Serve para varios almacéns ou tendas?
Si, con stock independente por almacén, traslados entre eles e regras de reabastecemento propias.
O teu stock non cadra ou o almacén segue en papel?
Ensinámosche como o resolvería Odoo coas túas referencias e os teus fluxos reais.