Inicio › Servizos › Formación
Formación Odoo
Formación funcional e técnica, presencial e en liña, á medida do teu equipo.
Formación práctica e personalizada en Odoo
En Anubía impartimos formación Odoo funcional e técnica, presencial en Galicia e en liña en directo, adaptada ao nivel de cada equipo e aos módulos que realmente usa a túa empresa, para que os teus usuarios aproveiten Odoo desde o primeiro día.
Desde 2012 somos Partner oficial do ERP Odoo en Vigo (Pontevedra) e A Coruña en Galicia.
Contamos con máis de 150 implantacións de Odoo en Galicia, en empresas de diversos sectores, pero os proxectos que nos apaixonan e nos que somos expertos son os relacionados con Fabricación, Inventario, Almacén e Contabilidade.
Como formadores en Odoo, cremos no trato próximo e no valor da comunicación aberta. Estamos aquí para escoitarte e responder as túas preguntas en cada etapa do proceso.
Adaptamos cada formación ao nivel de partida do teu equipo e aos módulos concretos que utiliza a túa empresa, evitando contido xenérico que non achega valor.
Coñecemos a realidade das pemes, sabemos que as pequenas e medianas empresas son o motor da economía en Galicia. Entendemos os teus desafíos e necesidades específicas. A nosa formación está deseñada para reducir a curva de aprendizaxe e evitar erros operativos desde o primeiro día.
Formación á medida do teu equipo
Avaliamos o nivel de partida dos teus usuarios, definimos os obxectivos por módulo e preparamos un calendario de sesións adaptado á túa operativa, con materiais de apoio e acompañamento posterior para resolver dúbidas do día a día.
Cursos de Odoo para cada perfil da túa empresa
Non necesita o mesmo unha persoa de administración que o responsable de almacén ou quen vai administrar o sistema. Por iso organizamos a formación Odoo por perfís e por áreas, e cada curso céntrase nas tarefas que esa persoa fai cada día.
Usuarios finais por área
Sesións prácticas por departamento: vendas, compras, inventario e almacén, fabricación, contabilidade, proxectos… Cada usuario aprende o seu traballo diario en Odoo, paso a paso.
Administradores e usuarios clave
Para quen será a referencia interna: usuarios e permisos, configuración de cada aplicación, modelos, informes, importación de datos e resolución de dúbidas dos seus compañeiros sen depender sempre de fóra.
Formación técnica para desenvolvedores
Para equipos de informática que queren manter ou ampliar o seu Odoo: estrutura de módulos, ORM, vistas, herdanza, seguridade e informes, coas mesmas boas prácticas que aplicamos no noso desenvolvemento Odoo.
Formación Odoo presencial en Galicia ou en liña en directo
Presencial. En empresas da zona de Vigo e A Coruña podemos impartir a formación nas túas instalacións, diante dos mesmos equipos e, se fai falta, xunto á liña de produción ou no almacén. É o formato que mellor funciona para arrancar cun sistema novo.
En liña en directo. Sesións por videoconferencia cun formador real, non vídeos gravados: compartimos pantalla, os teus usuarios practican no seu propio Odoo e resolvemos dúbidas no momento. É a opción natural para equipos repartidos en varias sedes ou fóra de Galicia, e para sesións curtas de reforzo.
Moitas empresas combinan ambos os formatos: arranque presencial e seguimento en liña.
Un curso de Odoo sobre o teu propio sistema
A diferenza cun curso de Odoo xenérico é que traballamos sobre o teu Odoo real. Preparamos unha base de datos de probas, copia da túa, cos teus produtos, clientes, almacéns e configuración, para que cada usuario practique sen medo a estragar nada.
Os exercicios seguen os teus procesos: o pedido dun cliente habitual, a recepción dun provedor concreto, unha orde de fabricación do teu catálogo ou o peche de mes tal como o fai o teu departamento financeiro. Así, o que se aprende o martes aplícase o mércores.
Materiais de apoio. Cada formación acompáñase de guías paso a paso dos procesos que se traballaron, co vocabulario da túa empresa. Para ampliar coñecementos, indicámosche ademais os recursos oficiais e gratuítos de Odoo, como a súa documentación e os seus cursos en liña.
Formación tras a implantación e en cada cambio de versión
A formación forma parte de cada implantación de Odoo que facemos, pero non remata coa posta en marcha. Estes son os momentos nos que máis se nota volver formar o equipo:
As primeiras semanas de uso, cando aparecen as dúbidas reais do día a día.
A incorporación de persoas novas ou os cambios de posto.
A posta en marcha dunha aplicación nova ou dun desenvolvemento a medida.
Cada migración a unha nova versión de Odoo, porque cambian pantallas, menús e ás veces a forma de facer as cousas.
Os cambios normativos, como a adaptación a Veri*Factu na facturación.
As dúbidas puntuais que xorden entre formación e formación resolvémolas a través do noso soporte Odoo.
Preguntas frecuentes sobre formación Odoo
Dades formación a empresas que non son clientes de Anubía?
Si. Se xa usas Odoo e cho implantou outro partner, ou o puxeches en marcha pola túa conta, comezamos revisando a túa configuración para que a formación se axuste a como está montado o teu sistema.
A formación serve para Odoo Community?
Si. Formamos tanto en Odoo Community como en Odoo Enterprise. Como algunhas aplicacións e funcións só existen en Enterprise, adaptamos o contido á edición e aos módulos que tes instalados. Se aínda non sabes que é Odoo nin que inclúe cada aplicación, comeza por que é Odoo.
Pódese facer en grupo?
Si, e é o habitual: agrupamos as persoas que comparten área e nivel. Preferimos grupos reducidos para que todos poidan practicar; os usuarios clave adoitan recibir ademais sesións individuais.
É unha certificación oficial de Odoo?
Non. A nosa formación está orientada a que o teu equipo traballe ben co teu Odoo, non a obter un título. As certificacións oficiais xestiónaas directamente Odoo.
Canto custa e canto dura a formación?
Depende do número de usuarios e perfís, das aplicacións que usedes e do formato. Cóntanos que necesitas e propoñémosche un plan de sesións co seu orzamento.
Anubía, formación Odoo adaptada á túa empresa