Skip to Content

Inicio › Onde estamos › Madrid

Odoo Madrid

Implantación e soporte de Odoo para empresas de Madrid, presencial e en remoto.

Odoo en Madrid e no resto de España, desde Galicia

Anubía é partner oficial de Odoo con sede en Vigo e clientes en Madrid, Barcelona, Valladolid e outras cidades de España. Traballamos en remoto a maior parte do proxecto e desprazámonos para as fases que o requiren: análise inicial, formación e arranque.

Para unha empresa de Madrid, escoller un partner de Galicia ten sentido cando busca especialización: fabricación, almacén y contabilidade son o noso terreo, cun equipo de enxeñeiros e economistas que leva desde 2012 implantando Odoo.

O traballo en remoto forma parte do noso día a día: videochamadas para a análise e a configuración, formación en liña por perfís e soporte con tempos de resposta acordados. Os nosos clientes de fóra de Galicia reciben o mesmo servizo que os de Vigo.

Que facemos polas empresas de Madrid

Implantación en remoto

Proxecto por fases con reunións en liña e visitas planificadas. Implantación de Odoo.

Fabricación e almacén

MRP, trazabilidade e control de stock para industria e distribución. Odoo Fabricación.

Vendas e CRM

Orzamentos, pedidos e seguimento comercial para empresas de produto e de moda. Odoo Vendas.

Contabilidade e factura electrónica

Contabilidade española, SII e Veri*Factu. Odoo Contabilidade.

Migración

Desde outro ERP ou desde versións antigas de Odoo. Migración de Odoo.

Soporte

Soporte continuo en remoto con visitas cando fan falta. Soporte de Odoo.

Clientes de Madrid e do resto de España

Fóra de Galicia traballan con Odoo e Anubía, entre outras, PAN Producto Básico e Kladdia (Madrid), Steliau Technology Iberia, LGM Global e Mikromic Medical (Barcelona) e Absotec (Valladolid): moda, fachadas, electrónica, mercadorías perigosas, dispositivos médicos e acústica.

Consultoría Odoo en Madrid: partner oficial para o teu proxecto

Un proxecto de Odoo comeza antes de instalar nada. Na consultoría Odoo analizamos como traballa a túa empresa en Madrid —vendas, compras, almacén, produción, facturación—, detectamos que cobre o estándar e que necesita configuración ou desenvolvemento, e propoñémosche un alcance por fases co seu orzamento.

Como partner oficial de Odoo (Silver Partner desde 2012) traballamos tanto con Odoo Community como con Odoo Enterprise, e recomendámosche a edición que ten sentido para o teu caso, non a que máis convén vender. Se xa usas Odoo con outro implantador e non estás satisfeito, revisamos a túa instalación e dicímosche con franqueza que se pode mellorar.

ERP para pemes de Madrid

Odoo é un ERP modular pensado para crecer coa empresa: comezas pola facturación, as vendas ou o almacén e engades contabilidade, compras ou fabricación cando o necesitas. Para unha peme madrileña significa deixar atrás programas soltos e follas de cálculo sen cambiar de sistema cada poucos anos. Que é Odoo.

CRM a medida

O CRM de Odoo adáptase ao teu proceso comercial: etapas do funil, campos propios, actividades e orzamentos conectados con vendas e facturación. Cando a configuración non chega, facemos desenvolvemento a medida para que o CRM reflicta como vende o teu equipo.

Localización española

Contabilidade co plan contable español, impostos, SII e Veri*Factu. Xa adaptamos clientes a Veri*Factu con Odoo e configurámolo igual para empresas de Madrid, coordinándonos coa túa asesoría.

Como traballamos con empresas de fóra de Galicia

Definimos o proxecto nunha ou dúas visitas e o resto faise en remoto cun calendario de sesións. A formación é en liña por perfís, e o soporte funciona co mesmo equipo que fixo a implantación. Para proxectos industriais, un exemplo do que facemos é Texas Controls.

Se prefires un partner con presenza física en Galicia, mira Odoo en Galicia.

Un proxecto de Odoo a distancia, paso a paso

Non temos oficina en Madrid e non o ocultamos: damos servizo a empresas de Madrid e de toda a Comunidade de Madrid desde Vigo, en remoto, con visitas presenciais cando o proxecto o require. Así é como traballamos:

  1. Reunión inicial por videochamada ou nas túas instalacións, para entender o teu negocio e as túas prioridades.
  2. Análise de procesos con cada responsable de área, en sesións en liña curtas e planificadas.
  3. Contorno de probas: configuramos Odoo nunha copia de probas cos teus datos para que o teu equipo o vexa e o valide antes do arranque.
  4. Migración de datos de clientes, produtos, stock e saldos, con revisións conxuntas.
  5. Formación en liña por perfís, gravada para que calquera poida repasala. Ver formación Odoo.
  6. Arranque, con presenza na túa empresa se o proxecto o necesita, e acompañamento as primeiras semanas.
  7. Soporte continuo en remoto co mesmo equipo que fixo a implantación.

As videochamadas e o contorno de probas compartido fan que a distancia apenas se note no día a día; as visitas reservámolas para os momentos nos que estar alí achega de verdade.

Sectores nos que máis achegamos

  • Industria e fabricación: listas de materiais, ordes de fabricación, custos e trazabilidade. Ver Odoo Fabricación.
  • Distribución e almacén: varios almacéns, lotes, números de serie e reabastecemento automático. Ver Odoo Inventario.
  • Empresas de produto e moda: catálogo con variantes, tarifas e canles de venda. Ver Odoo Vendas.
  • Servizos, enxeñarías e consultoras: proxectos, follas de horas e facturación por fitos. Ver Odoo Proxectos.

O noso equipo de enxeñeiros informáticos, enxeñeiros industriais e economistas suma máis de 150 implantacións de Odoo. Un exemplo industrial completo: Texas Controls, que substituíu o seu ERP a medida por Odoo con 19 áreas implantadas á vez para 100 usuarios.

Preguntas frecuentes sobre Odoo en Madrid

Tedes oficina en Madrid?

Non. A nosa única oficina está en Vigo. Damos servizo a Madrid e á Comunidade de Madrid en remoto, con visitas planificadas cando o proxecto o require. É o que xa facemos con clientes de Madrid, Barcelona e Valladolid.

Desprazádesvos ás nosas instalacións?

Si, cando achega valor: na análise inicial, no arranque ou en formacións que convén facer en planta. Deixámolo previsto na proposta para que non haxa sorpresas.

A formación é presencial?

Pode selo no arranque; o resto faise en liña por perfís, gravada para que o equipo poida repasala.

Como funciona o soporte a distancia?

Cunha canle de tíckets e tempos de resposta acordados; as incidencias resólvense en remoto, sen esperar a unha visita.

Canto custa implantar Odoo nunha empresa de Madrid?

Depende do número de usuarios, da edición (Community ou Enterprise), das áreas que hai que implantar, da migración de datos e dos desenvolvementos a medida. As licenzas de Enterprise fíxaas Odoo na súa páxina de prezos; para o resto, pídenos orzamento.

Podedes facervos cargo dun Odoo implantado por outro partner?

Si. Revisamos a instalación, os módulos e o código a medida, e propoñémosche soporte, melloras ou unha migración a unha versión actual.

Anubía, o teu partner oficial especializado en Odoo en Madrid

Enviar