Listas de materiais para fabricar en Odoo
Nesta publicación, centrarémonos nun tipo concreto de lista de materiais, no tipo Fabricar este produto, que é o tipo de lista de materiais que nos permite fabricar internamente un produto. Esta lista de materiais será a ferramenta indispensable para a creación e execución dunha orde de fabricación.
Unha lista de materiais en Odoo pódese crear desde a propia ficha de produto ou desde a ruta: Fabricación → Produtos → Lista de materiais → Novo.
Formulario de Lista de materiais en Odoo:
- Produto: Neste caso, o artigo que imos fabricar. Este pode ser un produto final ou intermedio.
- Cantidade: Contía e unidade de medida sobre as que se aplica esta lista de materiais.
- Referencia: Nome e/ou código da lista de materiais.
- Tipo de LdM: Neste caso seleccionaremos Fabricar este produto.
Lapelas do formulario de Lista de materiais en Odoo:
- Compoñentes: Nesta lapela indicaremos os compoñentes desta lista de materiais. Poden ser produtos almacenables, consumibles ou mesmo servizos. Para engadir un compoñente debemos facer clic en Engadir unha liña.
- Compoñente: Produto que se consumirá na orde de fabricación.
- Cantidade: Contía necesaria do compoñente para a fabricación desta lista de materiais.
- Unidade de medida do produto: É a unidade de medida do compoñente. Por norma xeral xa provén da ficha do produto.
-
Varios:
- Consumo flexible: Dános a posibilidade de configurar como se comportará o consumo de materiais na orde de fabricación.
- De modo estrito (Bloqueado). É dicir, o consumo dos compoñentes sempre é o estipulado na lista de materiais.
- Ou de modo flexible (Permitido ou Permitido con advertencia), de tal maneira que as cantidades consumidas dos compoñentes na orde de fabricación poden ser editadas e distintas ás teóricas da lista de materiais.
- Enrutamento: Permite definir rutas loxísticas para establecer regras de almacén e reabastecemento.
- Distribución analítica: Permite configurar as contas analíticas ás que imputar as posteriores ordes de fabricación do produto desta lista de materiais.
- Prazo de fabricación: Tempo habitual empregado para fabricar o produto desta lista de materiais unha vez que a orde de fabricación estea confirmada.
- Días para preparar a orde de fabricación: Prazo para crear e confirmar as ordes de fabricación con antelación co obxectivo de ter tempo suficiente para repoñer compoñentes, xa sexan comprados ou fabricados internamente.
Unha vez que temos creada a nosa lista de materiais, xa sería posible fabricar este produto en Odoo. Para iso seguimos a ruta: Fabricación → Operacións → Ordes de fabricación → Novo e seleccionamos o Produto, a Cantidade que hai que fabricar e a Lista de materiais.
Segue aprendendo sobre Odoo
- Tipos de listas de materiais en Odoo
- Listas de materiais e operacións en Odoo
- Como crear ordes de fabricación en Odoo
- Odoo Fabricación
Queres implantar Odoo Fabricación na túa empresa? En Anubía axudámosche a configuralo segundo os teus procesos. Contacta connosco.